香港新浪網 MySinaBlog
« 上一篇 | 下一篇 »
陳偉andy | 21st Apr 2014 | 娛樂快聞 | (43 Reads)

 

偽文豪(左)話雖然被王晶鬧爆,仍然好尊敬佢。(資料圖片)(資料圖片)

 

偽文豪因為出咗本書而走紅,近日不停接受訪問。(資料圖片)

 

王晶早前喺微博鬧爆偽文豪。(資料圖片)

 

偽文豪facebook

 

 

前無綫PA偽文豪,因為一本《TVB血淚屎》而「走紅」,最近經常接受訪問,噚晚商台節目《國民教育》播出偽文豪接受健吾嘅訪問,偽文豪話自己喺節目乜都講得,當然唔少得講佢本書。

偽文豪表示自從本書出街後,讀者有好多迴響,大家除咗以八卦心態去睇本書外,亦睇到笑中有淚,佢又話「人生好被動﹑決心好主動」,佢話自己做好呢件事係主動去做。

現年30歲嘅偽文豪,曾讀過副學士,之後走去TVB做嘢七個月,近日出咗本「血淚屎」,其間佢亦做過廣告公司編輯,地圖雜誌﹑高爾夫球雜誌編輯,及後去咗《100毛》做編輯。

健吾問佢點解要寫呢本書?話晒呢份工佢做得幾唔舒服,點解唔去忘記?反而要出書呢?為咗乜呢?偽文豪話:「每個作者唔同諗法,有啲人發生唔開心收埋,我就一視同仁......其實冇諗住咁快成書,上年未做《100毛》時有空閒時間,就總結呢幾年搞過乜,喺facebook寫咗幾篇嘢,輾轉後出版社叫我寫埋書,之後集結成書,咁都幾好吖,相當滿意。」

健吾又話偽文豪「走紅」,連電視台都忍唔住用節目作回應,亦有周刊用四版做,其實係咪計算在內?偽文豪坦言:「毫無計算,天跌落嚟,點會有計算?我喺成件事冇人估到,我寫自己經歷,我都係一個0靚仔。」

而曾經喺電視台做兼職嘅導演王晶,睇到《TVB血淚屎》報道後,早前喺微博語帶粗俗留言話:「有個在TVB幹了七個月助導,多次在網上罵前公司的X樣,最近出了本書再罵。」王晶又鬧佢七個月就想登天,斥責佢呢種行為係無聊加無恥。

偽文豪今晚喺節目內再話,自己好尊敬王晶,就算對方鬧完佢,都仍然尊敬佢,事關佢都係飲王晶「奶水」大(指佢睇王晶電影長大),不過偽文豪仍忍唔住暗寸:「王晶覺得我無聊無恥,其實無恥同無聊,係佢電影一貫作風,佢咁話我,係咪讚緊我呢?我都承認無聊無恥。」健吾即刻笑到收唔到聲。

偽文豪又讚王晶先生胸襟廣闊,堅持拍咁多年電影,有時拍商業電影都唔係咁易,好似《賭聖》咁,咁多年都受歡迎,好佩服佢,偽文豪強調書本內容勝過一切:「我享受同讀者來往,讀者睇完有乜感覺,好多睇完都話好正,叫我快啲寫第二本。」

健吾問佢有冇擔心寫完有乜效果及後果?偽文豪直言媽咪都好擔心,不過佢就話:「寫嘢有兩種,一種自娛﹑一種係娛樂其他人,呢本書寫嚟娛樂讀者,我改咗好多嘢,成個flow有結構,用字文筆,以讀者睇得開心為主,商業都唔係咁易。」

偽文豪「走紅」後接受多個訪問,問到有冇乜嘢問題好難回答?偽文豪話:「我尊重行業,感覺矛盾,佢哋(指傳媒)令我被認識,但又同時會被佢哋摧毀。佢哋成日問我有冇覺得自大?我又唔覺得自大,只係自我感覺良好。」

偽文豪話自己活在當下,對於有傳媒問佢驚唔驚會被告?佢話:「唔係驚,但都要處理,我唔想咁樣。」

健吾又問覺得佢外型係咪幫佢加分,佢話:「冇,不過0依家有人覺得OK,我覺得我唔係靚仔,我係型啫,靚仔同型唔同,我靠內涵提升吸引力。」

另外,健吾笑言羨慕偽文豪有型﹑多女又有腹肌,學打柔術嘅偽文豪自言0依家已經冇腹肌,又謂好多人覺得佢性格似陳強:「陳強比我更多憤怒,我嘅笑容至少都有三成真。」健吾問如何可以做到唔理人點諗,佢就話:「我細個冇0依家咁圓滑,以前更瘋狂,習慣唔係十分理人點睇。」

又以書中影射一向形象甚好的蘇玉華為例,令人對蘇玉華印象打了折扣,偽文豪就話:「我覺得好輕微,hurt到佢都冇計,我好癲,我決定寫一本書,一個專欄,我決定咗有呢個立場,就去。」

偽文豪又以柔術為例,承認曾整傷過人,但這是武術世界,一定hurt到人,呢個世界就係咁:「好多人唔夠純粹,太多雜念,驚得罪人?我冇想過,我唔會作繭自綁,我冇諗過。我想做就做,我只有去同唔去,去就去盡囉。就係咁,冇諗得咁複雜。」佢又話只要宣傳夠了,就唔會再受訪宣傳。


偽文豪又形容今次係《頑童歷險記》,佢話令佢感受到的是,如果你夠足夠堅強,就可包容比你軟弱的人。見到人家呻辛苦,可能真係辛苦,會勸佢忍一下:「可能係好虛假,但我唔會將對自己要求同對人要求劃上等號。當你用憤怒方式批評人時,都係hurt自己。我呢個態度係令雙方舒服,我都舒服好多。」

至於這七個月「奇幻之旅」,偽文豪表示最深刻係一次喺古裝劇拍攝:「凌晨4點起身,好攰,拍到下午,我企喺度,拎住支燈,瞓咗。之後我醒咗,啲人冇晒,成team人冇晒,搵下搵下,原來過咗隔籬街。導演冇可能見唔到我,但我返埋去繼續做嘢,大家當冇事發生。可能我miss咗好多嘢,但佢哋都體現咗佢哋嘅堅強同包容。」

而偽文豪噚晚喺facebook就話:「剛剛聽返我喺903國民教育嘅訪問.....原來我又喺度亂Up(噏)嘢~~哈哈~ 我份人就係咁,好似一出世就食錯咗一隻叫做『口沒遮欄』嘅藥咁。」

被王晶斥無聊無恥!偽文豪:無聊無恥係王晶電影作風!  

 

2014/04/21[香港蘋果日報]

 

 

免責聲明:本文僅代表作者個人觀點,與本人無關。文中陳述內容及其原創性未經本人證實,對本文以及其中全部或者部分內容、文字的真實性、完整性、及時性本人不作任何保證或承諾,請讀者僅作參考,并請自行核實相關內容。)

       @陈伟andy香港,15/03/2014(星期六)#星蹤##台灣星蹤#       @陈伟andy香港,15/03/2014(星期六)#星蹤##台灣星蹤#

 

 

如下是連結網頁:

新麗水晶地板工程香港電話:98315632

·陈伟andy工作相集香港

陳偉andy香港新浪博客

陈伟andy新浪微博
陈伟andy国内新浪博客
新浪(娱乐圈新闻速递)
陈伟andy國內 网易博客
陳偉andy國際 facebook
腾讯(娛樂圈新聞速遞 )
andy陳偉(Xuite隨意窩)BLOG
娛樂圈新聞速遞(陳偉andy博客)

------------------------------------

百萬人氣博(BLOG)招登各類贊助廣告(全方位宣傳,加發博文推廣)很有效力,有意登歡迎查詢,香港電話:98315632.或掃瞄如下微信二維碼聯絡本人陳偉andy.

人气博(BLOG)招登各类赞助广告(全方位宣传,加发博文推广)很有效力,有意登广告者欢迎查询,香港电话:98315632.或扫瞄如下微信二维码联络本人陈伟andy.

[第1258期香港壹週刊]劉丹怕•回家 劉愷威趕裝修 楊冪大肚惡晒.