香港新浪網 MySinaBlog
« 上一篇 | 下一篇 »
陳偉andy | 7th Mar 2014 | 八掛周刊 | (108 Reads)

Picture

3月 4日下午一時,胡杏兒突然在 instagram上載一張攬仔照,以一句「我找到了」公開戀情。其實早在情人節當日,胡已在網上晒收花相,擺明是向舊愛黃宗澤與楊崢的「閃電情」示威。不過,攬仔照上載十多小時,胡杏兒再次上載李思捷的鬼臉相,將「公開戀情」演繹為「惡作劇」。
如此反高潮,無非因為網友洗版式插爆集郵王李思捷,加上大台給予壓力,杏兒惟有在清晨 5時急急補鑊。據知 3個月前,李思捷搵老死胡蓓蔚幫手溝胡杏兒,一輪猛烈攻勢下終於得米。不過杏兒試水溫已經惹來咁大反應,睇怕呢段情都好大機會見光死!

previous

首爾機場獨家 當眾繑手問兩人為何經常繑手時,胡杏兒就話,繑手唔代表乜,更即場繑住李思捷,男方表情尷尬,但死撐說:「繑手好平常,咁攬係咪要結婚!」

這陣子,黃宗澤與楊崢快來快去的「閃電情」成為熱話,而分手年多的胡杏兒選擇在這個時候在 instagram試水溫公開戀情,唔多唔少甚有向舊愛示威意味。不過,怒撇花心男的杏兒,新戀情男主角竟然是比舊愛 Bosco個底還要花的集郵王李思捷,立即觸動杏兒 fans的神經,在網上圍插李思捷,甚至連大台也發功,下令要胡杏兒補鑊。

杏兒發功首爾旅程完結,上機前,胡杏兒不時在李思捷面前放電。兩人當日一同穿上棒球褸及 cap帽,情侶味甚濃。

previous

姊妹幫口企兩人中間的胡蓓蔚及黃智雯亦幫口,話胡杏兒鍾意繑住人。

公司下令做嘢

「尋日晏晝兩點幾單戀聞出街後,杏兒經理人 Kenneth即急 call佢了解情況。杏兒係首席花旦,加上見啲網友插到咁,大台梗係緊張。胡杏兒見公司咁大反應,即時補鑊,唔好俾件事再搞大。」
據知身在韓國的胡杏兒得悉事態嚴重,為了盡快平息事件,惟有將公開戀情的舉動轉化為「惡作劇」,更找來同行的好姊妹做煙幕,將李思捷由「男友」化身為「好姊妹」。
其實,胡杏兒這場「惡作劇」出街後,網友亦覺疑點重重,皆因平日胡杏兒不愛炒作緋聞,加上不是新劇宣傳期,今次韓國之旅是私人旅行,連胡杏兒經理人亦不知,所以說是「惡作劇」甚為牽強。

4/3 冧爆晒愛下午一時多,胡杏兒忽然在 instagram晒攬仔相。雖然男主角唔見正面,不過唔少心水清嘅網民,已經知道係李思捷,仲留言叫杏兒要帶眼識人。

previous

5/3 晨早開估早上五時,正在韓國旅行嘅胡杏兒晨咁早起身上 instagram,自揭男主角是李思捷,仲話成件事只係同大家開個玩笑喎。

 previous

網友寸爆

 previous

被問及杏兒攬仔照,杏兒好友胡定欣話:「佢登咗出嚟?張相我影㗎,我唔拆穿佢住。」似乎漏口風,唔覺意代好友認戀情。《蘋果日報》圖片

食客爆繑到實

今次韓國之旅,胡杏兒被網友拍下在機場繑手相。而本刊亦收到一位食客報料, 3月 4日晚上 10時左右,她在首爾中山南洞的食肆「知牛」目睹胡杏兒與李思捷也是親熱繑到實如情侶。食客指︰「當晚見到李思捷同胡杏兒成班啱啱食完嘢,當時胡杏兒好親熱繑住李思捷,仲將個頭挨落李思捷個膊頭度,話佢哋唔係拍拖真係冇人信!」
3月 5日下午 6時 10分,齊齊穿着棒球褸的胡杏兒與李思捷,與胡蓓蔚及黃智雯出現首爾仁川機場,準備返港。本刊記者埋身訪問,兩人明顯有備而來。談到兩人關係,女的話「兄弟」,男的話「姊妹」。
記︰做乜咁反高潮?認完戀情又話惡作劇?
杏︰真係玩咋!大家唔好咁認真!
記︰你平時唔似玩呢啲嘢(惡作劇),動機係咩?
李︰(插嘴)你又知!你同佢好熟咩!佢當我係半個姊妹。
杏︰冇動機㗎!咪話咗玩囉。
記︰係咪公司打壓戀情?
杏︰冇!完全冇事!
記︰係咪網友插爆所以轉口風?有網友話 Bosco搵咗個阿媽,你搵咗個阿叔。
杏︰吓!(掩嘴傻笑)
李︰(嬲爆插嘴)咩話?我大佢(胡杏兒)幾年咋!我似阿叔咩!我邊忽似阿叔!
記︰咁情人節邊個送花俾你?
杏︰話得俾你聽就公開咗……
記︰你同佢(思捷)熟㗎咩?之前唔見思捷出現你哋嘅聚會(指「胡說八道會」)?
杏︰我依家都好少出街,之前同佢拍《玩樂無窮》做夫妻喎!
記︰但你同佢喺機場繑晒手,仲有食客報料話你哋尋晚喺明洞嗰間「知牛」繑住手出嚟?
杏︰吓!唔係嘛!會唔會繑第二個咋!(有相喎!)咁繑手又代表咩?我哋依家可以繑……(表情緊張)
記︰點解咁刻意發啲又攬又錫嘅相出嚟!
杏︰個個都有份啦!(你最貼喎!)角度問題啫。

欲蓋彌彰同日中午,胡杏兒再上載同胡定欣、胡蓓蔚、黃智雯及李思捷的合照,潛台詞都係想講,思捷係佢「好姊妹」。不過心水清網友反而覺得件事唔係咁簡單。

 previous

previous

1/3 繑手出發上周六( 1日),網友拍到胡杏兒及李思捷在香港出發去首爾。兩人當眾繑住手排隊入閘,儼如情侶。

previous

previous

previous

胡杏兒、胡蓓蔚、黃智雯、胡定欣行明洞 shopping,李思捷搞乜?咪就係幫手影相,以及跟住姊妹團後面做跟班囉

previous

早排情人節,單身了一段日子嘅胡杏兒在網上晒玫瑰花,冧爆。

女友酸溜溜

問到李思捷去韓國旅行,緋聞女友陳雅倫就話自己唔得閒去,至於正印春卷就答得酸溜溜,仲爆響口話思捷今次係去玩,而唔係思捷自稱嘅「傾公事」。

雖然兩人傳過分手,但又不時被影到出雙入對。

previous

春卷(王寶寶):「冇收到李思捷 invite(邀請),我冇佢咁 happy。(佢追杏兒?)問番佢啦。(思捷去韓國做乜?)去玩囉,有 common friend喺嗰邊。(你唔一齊去?)有嘢做。」

previous

早前陳雅倫生日,佢黐實李思捷,又自稱是其女友。《蘋果日報》圖片

previous

陳雅倫:「我唔喺香港,只係知佢出咗 trip。佢一向貪玩,佢同我講話冇拍拖。(同春卷呢?)佢之前同記者講咗已經分手啦。」

之後記者問李思捷,點解唔帶女友春卷一齊去韓國?又告知他春卷酸溜溜。他聽罷面黑黑說︰「你又知我開心?你覺得啫!」
雖然兩人口硬唔認撻着,但據知一向愛集郵的李思捷,早前突然高調話同正印女友春卷分手,無非是想回復「單身」追女神。一向玩開𡃁模的李思捷,要追視后胡杏兒真係有難度,所以他就找來老死胡蓓蔚幫拖。

胡蓓蔚撮合

據知胡杏兒、胡蓓蔚、胡定欣同黃智雯幾個金蘭姊妹等成立咗個「胡說八道會」,而胡蓓蔚同思捷好 friend,靠胡蓓蔚慢慢攝入個會。知情者說:「思捷私底下仲同胡蓓蔚講,話自己已玩夠,想搵番段穩定嘅感情,叫老友幫佢追杏兒。胡蓓蔚受唔住李思捷哀求,答應幫手撮合。李思捷亦知自己紀錄唔好,所以唔係一嚟就追,最初只係同杏兒做『姊妹』,等杏兒放低戒心先發動攻勢。佢把口好識冧女,加上杏兒單身咗咁耐都恨拍拖。今年情人節,李思捷又花又禮物,終於成功攻陷杏兒芳心。」

previous

含情食腸2012年,胡杏兒和李思捷宣傳《換樂無窮》時,一條腸兩份食,兩人表情仲冧到爆。

previous

奉旨摸胸在《換樂無窮》結局,李思捷為胡杏兒心外壓急救,大大對手壓落杏兒個胸,仲要扮慘,思捷真係好戲。

死𦧲同行

對於新戀情,胡杏兒其實亦有壓力,皆因一班好姊妹中,並非個個睇好呢段情。「今次韓國之旅本來冇預李思捷,只係幾個女人去。不過,出發前個多禮拜,杏兒突然話不如預埋個男人。聽講係思捷死𦧲要去。」知情者說。
其實 12年李思捷與胡杏兒拍劇《換樂無窮》時已經結緣。當時李思捷曾口花花話鍾意杏兒呢類女仔,又話想同黃宗澤對掉角色︰「我要做 Bosco,等杏兒唔使開工就約佢去街。」當時黃宗澤聞言亦暗寸對方︰「死仔!不過佢都冇機會。」講到有場胡杏兒被李思捷按胸的戲,黃宗澤亦指「心裏唔舒服」。
之前寸爆李思捷「冇機會」的黃宗澤,未知得悉舊愛呢段新戀情,個心會唔會比昔日更唔舒服呢。記者致電黃宗澤,惟截稿前仍未回覆。

previous

胡蓓蔚、黃智雯、胡定欣、胡杏兒及姚子羚是「胡說八道會」成員,大家不時聚會。李思捷因同胡蓓蔚老公單立文熟落,從而打入「胡說八道會」。

黃宗澤 VS李思捷

previous

 

 [第971期香港忽然一週]

撰文:娛樂組 
攝影:攝影組

 

(免責聲明:本文僅代表作者個人觀點,與本人無關。文中陳述內容及其原創性未經本人證實,對本文以及其中全部或者部分內容、文字的真實性、完整性、及時性本人不作任何保證或承諾,請讀者僅作參考,并請自行核實相關內容。)

 

印度婦因襲吻甘地家族俊男, 慘遭丈夫燒死.

 

--------------------

 

如下是連結網頁:

 

·陈伟andy工作相集香港

 

新麗水晶地板工程香港電話:98315632

 

陈伟andy香港新浪博  

 

andy陳偉(Xuite隨意窩)BLOG