香港新浪網 MySinaBlog
« 上一篇 | 下一篇 »
陳偉andy | 5th Mar 2014 | 八掛周刊 | (40 Reads)

 

 廖凡右手執影帝「銀熊獎」、左手則舉電影最高榮譽嘅「金熊獎」。電影及廖凡為華語電影創造咗歷史。

今屆「柏林影展」最佳男主角廖凡,出道已經十七年,拍過無數電視劇同電影,獲獎前曾自嘲:「只係一個連配角邊都沾不上的小演員。」
08年,廖凡於任達華監製嘅電影《一半海水一半火焰》提名第 45屆金馬獎最佳男主角,開始「嶄露頭角」。 14年,他更以《白日焰火》成為「柏林影展」首個華人影帝。

拍《白日焰火》前,廖凡演藝事業陷於谷底,雖然 05年曾憑電影《綠帽子》獲得「第 18屆新加坡國際電影節最佳男主角」及 08年以《一半海水一半火焰》入圍「金馬獎最佳男主角」,可惜對佢人氣和知名度毫無裨益,更甚者反而令佢事業陷於低迷。

 廖凡從憑《花樣年華》奪得康城影帝嘅梁朝偉手上接過銀熊獎,榮膺首位華人柏林影帝,對華語影壇嚟講,真係別具意義。

previous

 興奮到忘晒形嘅廖凡,落到台下竟然爆咗句粗口:「我 X!」北方漢子性情畢露。

事業坎坷

事實上,廖凡本身已經係好好嘅電影題材。 97年,廖凡喺上海戲劇學院畢業後,隨即投身演藝事業。貌不如人嘅廖凡,連運氣也比人差,初拍電影《將愛情進行到底》,被評為演技最好,卻紅了李亞鵬和王學兵;《像霧像雨又像花》紅嘅係陳坤同孫紅雷;《集結號》紅了張涵予。廖凡由始至終都係綠葉命。綠葉對廖凡嚟講尚係小遺憾,對佢最 hurt嘅,反而出道十多年,仍然有好多人叫唔出佢個名,通常一句「電影裏演某某的那個人做得不錯,那是誰?」最後,佢終於憑着那份堅持帶嚟回報。

 除廖凡奪影帝外,《白日焰火》亦獲得柏林電影節最高榮譽「金熊獎」,導演刁亦男(右一)率女主角桂綸鎂,王學兵(左二)及廖凡齊齊會見記者。

實力取勝

廖凡喺《白日焰火》入面飾演一個潦倒警察,因為一單碎屍案,引發出佢同桂綸鎂及王學兵之間一段糾纏不清嘅愛情關係。亦因電影紮實嚴密嘅犯罪推理而得到影展評委會一致讚賞。評委之一嘅梁朝偉話﹕「當你睇過《白》之後,就會明白電影及廖凡得獎係實至名歸。」更譽廖凡係現今少見實力派演員

廖凡同莫小奇憑任達華嘅電影《一半海水一半火焰》雙雙入圍 08年第 45屆金馬獎「最佳男、女主角」。兩人喺片中有唔少情慾鏡頭,單係廖凡呢個「龍爪手」已夠煞食。

 才女老婆

廖凡現今貴為柏林影展史上第一個華人影帝,這份榮譽,相信比廖凡本人更高興嘅,絕對係佢嗰位有「編劇才女」稱號嘅老婆霍昕。廖凡同霍昕這對姐弟戀多年嚟都甚為低調,事實佢哋早於 08年已秘婚,直到 12年才正式公開婚姻關係。
講起霍昕,來頭絕對唔小。作品由早期嘅《洗澡》、《愛情麻辣醬》、《向日葵》、《將愛情進行到底》,以至近期由甄子丹主演嘅《西遊記大鬧天宮》都係出自她手。據悉廖凡剛跟華誼兄弟簽咗約,正式坐上「實力派一號男」寶座。

廖凡(前)為演《白白焰火》醉貓警察,刻意增肥 40多磅。

previous

隱婚 6年嘅廖凡,自 12年公開同霍昕夫妻關係後,不再避嫌,不時甜蜜行街。兩人睇嚟已儼如老夫老妻。

 

港星最愛的「二號男」

廖凡出道咁耐,雖然做親都係「二號男」,但好多作品都係大製作,而且合作嘅幾乎都係兩岸三地阿哥阿姐級人馬,如劉德華、成龍、林志玲及舒淇等。

《好奇害死貓》張栢芝、胡軍

previous

《讓子彈飛》姜文、葛優

previous

《非誠勿擾 II》舒淇、葛優

previous

《幸福額度》林志玲

previous

《建黨偉業》劉德華

previous

《十二生肖》成龍

(第970)撰文:娛樂組

(免責聲明:本文僅代表作者個人觀點,與本人無關。文中陳述內容及其原創性未經本人證實,對本文以及其中全部或者部分內容、文字的真實性、完整性、及時性本人不作任何保證或承諾,請讀者僅作參考,并請自行核實相關內容。)

 

印度婦因襲吻甘地家族俊男, 慘遭丈夫燒死.

 

--------------------

 

如下是連結網頁:

 

·陈伟andy工作相集香港

 

新麗水晶地板工程香港電話:98315632

 

陈伟andy香港新浪博  

 

andy陳偉(Xuite隨意窩)BLOG